【警告分析】整場運動 已經失敗了

14928
由2019年6月至今,香港今次這個社會運動已經為持了3個多月。
在這幾個月,香港市民好像嬴了些什麼,又好像輸了些什麼。
到底未來,這場運動是「嬴定輸」?
以下內容轉自連登討論區網民:Sinthome
連結:https://lihkg.com/thread/1555315/
//
情況越來越接近雨革後期。
再係咁,過多兩個月就玩完。

1. 焦點模糊
仲記得七一佔領立法會,當時連登馬上撰寫宣言,於各國記者面前宣讀。其後,721 西環向中聯辦潑墨,同樣有公開宣讀宣言。自從八月開始,行動焦點越趨模糊,無人再讀宣言,假定全世界都知你做咩。連登梗係人人都知,但街坊同外媒未必人人都知。破壞狗鐵無問題,你都要公開宣讀狗鐵罪狀,交代清楚點解要破壞,交代清楚想達到咩後果。同理,圍太子站無問題,要交代清楚前因後果,否則外界只會當你發洩情緒,當成零星警民衝突。目標必須清晰,最好示威者當場交代,網上事後解釋始終無咁有力。

香港抗爭的圖片搜尋結果

2. 行動單一
第一個月咩行動都有,接放工又有,派傳單道歉又有,圍狗總又有。和理非與勇武相當平衡,可以各自發揮所長。第二個月,佔領立法會令士氣高漲,後來中聯辦門口宣告成立臨時立法會,新鮮感令整場運動得以維持。第三個月係機場,和理非依舊可以參與。由八月後期至今,由於接近戒嚴狀態,基本上和平活動已經不可能。就算貼牆一樣有機會俾人斬,立法會、狗屋、機場全部有戒備,十八區差不多港九新界都去過,無咩新地點可供選擇。取代而之,全部都勇武回合,好處係武力大幅升級,壞處係遠離群眾,好多人覺得無法參與或無用,或者開始變得麻木。長此下去,士氣好難繼續維持。

香港抗爭的圖片搜尋結果

3. 欠缺組織
點解只剩下勇武回合?因為工業行動無升級。公務員聯署集會,各行各業都發聲表態,但後來又銷聲匿跡(醫護界係少數例外)。八五罷工,大家發覺「工會不代表我」,奇怪地無人願意組織新工會。得自己一個面對上司,代價高而成效低,結果想罷都唔敢罷。唔係香港人無膽,唔係意志力不足,唔好再屌香港人廢,而係欠缺組織,導致效率奇低。因此,當政府同私人企業秋後算帳,員工無法討價還價,更無法將抗爭擴展至公司內部。EO、AO 政務官721 元朗恐襲後聯署,威脅要癱瘓政府。既然 831 發生多次類似恐襲,又有公職人員懷疑被秋後算帳,請問政府精英係咪應該做多一步呢?成立工會又好,甚至只係聲明黨都好。工業行動消失,間接加劇「勇武 → 麻木 → 勇武」嘅惡性循環。越來越多人被捕,越來越少人參與,最終只會失敗收場。純粹表態是不夠的,需要各位行多一步,分擔前線抗爭者的重擔。

香港抗爭的圖片搜尋結果
未必啱聽,純粹想講心底說話
//
本文章內容皆轉載Lihkg,一切內容均不代表本網站之立場,

未知資料是否屬實,本文謹供網友參考備份